24 juin 2013

უმნიშვნელო ფაქტორი

გუშინ ტელე არხ იმედზე, გადაცემა "მთავარი ფაქტორის" ქუდში ჩემი ჩართვის ფრაგმენტების მონტაჟი უჩვენეს, საიდანაც როგორც ირკვევა მე ვთვლი, რომ საქართველოს მოსახლეობას წარმოდგენა არა აქვს თუ რა არის ევროპა.შემდეგ დიქტორმა თქვა: "პაატა ქურდაძე ფიქრობს, რომ საზოგადოებას არა აქვს ვალდებულება თავად გაერკვეს ევროპის შინაარსში, და ხელისუფლებას სწორედ ამ მიმართულებით მუშაობას ურჩევს"  ... და გადაცემაც დაიწყო...
 ვერ გეტყვით საზოგადოება რამდენად გაერკვა ამ რებუსში, მაგრამ გადაცემის წამყვანმა ზაზა შათირიშვილმა როგორც ჩანს, ჩემი ორ წუთამდე დაყვანილი  თხუთმეტ წუთიანი ინტერვიუდან , მხოლოდ  ის დასკვნა გამოიტანა, რომ ჩემი აზრი "ძალიან წააგავს წინა ხელისუფლების ინტელექტუალური ელიტის აზრს"( სავარაუდოდ, რომ ხალხი ბნელია),  და ეს სამწუხარო ფაქტი მაფიქრებინებს, მან ნამდვილად ვერ გაიგო რაზე ვილაპარაკე... უფრომ იმედი მაქვს ალბათ არ მოუსმინა.... დარწმუნებული ვარ,  არ აწყენდა ცოტა მეტი დრო დაეთმო თავისი გადაცემის რესპოდენტების მოსმენისთვის, გადაემოწმებინა კონტექსტი, რომელიც მონტაჟის წყალობითაა შექმნილი. ეს მას დაეხმარებოდა ადამიანების ასეთი   
პრიმიტიული და  დღევანდელ ქართულ რეალობისთვის  სევდიანი კლასიფიკაციები ნაკლებად ეკეთებინა. 

 ასევე შემიძლია ვუთხრა, რომ ძალიან მარტივი ბაზობრივი A/V მონტაჟის საშუალებითა და მსგავსი მიდგომით, მის ნებისმიერ ინტერვიუსა თუ გადაცემას,   ზუსტად ნახევარ საათში შემიძლია ისეთი სახე მივცე , რომ მოსმენისას  არა თუ მისთვის საძულველ ნაციონალ ინტელექტუალად, საერთოდ უინტელექტო მარტივ გულღია მოლაზღანდარე კაცად  მოეჩვენება საკუთარი თავი. მონტაჟისტიც კი არ დამჭირდება: აუდიო-ვიზუალურში წლები მაქვს ნამუშევარი, ირონიის ნიჭსაც პრინციპში  არ ვუჩივი: კაცმა რომ თქვას,  ეს ერთად ერთია, რაც ჩემში  ასაკის მატებასთან ერთად უფრო და უფრო დახვეწილი და მდგრადი ხდება ხდება.
გადაცემა "მთავარი ფაქტორი"-ს  ნახვა შეგიძლიათ  აი ამ ბმულზე  my video - ტვ იმედი. 24 ივნისის გადაცემა "მთავარი ფაქტორი" -19 საათიდან,  : დასაწყისშივე   დარწმუნდებით, რომ გადაცემის  საფრთხობელად მე ვარ გამოყენებული და მერე დისკუსიის დებიუტი ფაქტიურად ჩემს რბილად "მოდელირებულ" ინტერვიუზეა აგებული. საბედნიეროდ სტუმრებმა დამინდეს, რისთვისაც მადლობას ვუხდი.
   
  აქვე - გთავაზობთ  ამ ინტერვიუს სრული 15 წუთიანი ვერსიის  ჩემს მიერ ჩაწერილ აუდიო ფაილს.  ამ ორი კვირის წინ  "რეზონანსთან" მომხდარი მცირე ნერვიული  გაუგებრობის შემდეგ, გადავწყვიტე ალტერნატიული "პროდუქცია" გავხსნა და ჩემი ინტერვიუები თავად ჩავიწერო ხოლმე. როგორც ჩანს არ შევცდი, პირველივე ჩანაწერი გამომადგა. 
 ასე რომ თუ ვინმეს მართლა აინტერესებს  ჩემი  და არა ზაზა შათირიშვილის მიერ გამარტივებული და ინტერპრეტირებული ჩემი აზრი იმის შესახებ, თუ რამდენად არის მზად საქართველოს მოსახლეობა ევროპაში ინტეგრაციისათვის, შეუძლია მოუსმინოს.
პ.ქ. Paris 25.06.2013

1 commentaire:

Anonyme a dit…

"გადავწყვიტე ალტერნატიული "პროდუქცია" გავხსნა და ჩემი ინტერვიუები თავად ჩავიწერო ხოლმე"

საკუთარი მედია - საუკეთესო და ყველაზე სანდო მედიაა, ასე რომ მივესალმები.